Dahil sa huling pag-uusap ni Estelle at Kurt sa bahaging iyon ng court, hindi na mapakali ang isip niya. Araw-araw na lang niyang tinitingnan ang paligid kung nasa malapit si Kurt. Kapag may lunch meeting si Danrev, hindi rin siya mapakali. Magpinsan ito at si Kurt kaya hindi imposible na magkita ang mga ito. Parehas ang mundong ginagalawan ng mga ito. Parehas din ng linya ng business. Kaya wala siyang kawala kay Kurt.
“What happened to you? Lagi kang bumubuntonghininga nang malalim. Damn!”
“W-wala. May naalala lang ako,”
“Oh Problema sa bahay niyo? Tell me. Baka makatulong ako.”
“Walang problema sa bahay,”
Napataas ng kilay si Danrev. “Wala pero apektado pati ang trabaho mo. Last 2 days mo na ito sa akin, Estelle. My God!” Saglit siyang tinitigan nito at parang may napagtanto. “‘Wag
