REBECCA'S POV
"NANAY! NANAY! Nandiyan na po sina Momma at Tita Meryl," sobrang excited na tili ni Samantha nang pumasok siya dito sa silid namin ng kaniyang ama.
Limang buwan na rin ang lumipas simula nang bumalik na ang lahat ng alaala ni Uncle Sam.
Dito pa rin kami nakatira sa bahay ni Auntie Suzette. Pina-renovate na lang namin kaya nagmukhang bago uli. Binuksan na rin namin ang dating tindahan niya. Iyon ang pinagtutulungan naming palaguin dahil iyon ang kasalukuyang bumubuhay sa aming pamilya.
Tuluyan na rin kasing iniwanan ni Uncle Sam ang pagiging CEO ng CAS at nagdesisyon na mamuhay nang simple tulad nang dati, kasama kami na pamilya niya. Dito raw kasi siya masaya at ito ang bumubuo sa pagkatao niya.
At naiintindihan naman iyon ni Momma. Kaya napilitan na rin si Meryl na s
