REBECCA'S POV
"GALIT ka ba sa'kin, Rebecca?" tanong sa akin ni Uncle Sam habang hinahabol niya ako pabalik sa loob ng bahay.
Hindi ko alam kung bakit natatakot ako na nakokonsensiya pagkatapos niyang aminin sa akin ang nararamdaman niya at hinalikan ang aking mga labi. Dapat matuwa ako dahil wala naman pala akong dapat ikahiya at iisa ang aming nararamdaman.
Ngunit paano ko ikatutuwa ang isang bagay na alam kong bawal at isang kasalanan?
Hindi porke't masama ang pakikitungo sa akin ni Auntie Suzette, hindi pa rin mapapantayan niyon itong kasalanan ko sa kaniya at sa Diyos.
"Rebecca, kausapin mo naman ako, please? Gusto ko lang malaman kung galit ka ba o hindi." Naabutan ako ni Uncle Sam sa sala. Hinablot niya ang aking braso at pilit akong pinaharap sa kaniya. "Galit ka ba?" tanong
