"Pasok!" bahagya ko pang hinila pabukas ang pinto para pumasok si Perri na humihikbi pa rin. Sinalubong ito ni Pluma at agad na inabutan ng towel.
"Maligo ka muna. Hihiram na lang tayo kay Nat ng pamalit." Walang kasigla-siglang tumango si Perri. Pinanonood ko lang ang dalawa na pumanhik sa second floor. Hindi ko alam kung bakit kusa ring kumilos ang mga paa ko at sumunod sa mga ito.
Balot na balot ng takot iyong puso ko.
"Pluma, please... ako ang piliin mo. Nagmamakaawa ako sa 'yo. Noon akala ko magiging okay ako kung mag-iba ang landas na tahakin nating dalawa. Naging playful lang tayo sa kung ano ang mayroon tayo. Na-realize ko na hindi pala okay sa akin kung tuluyan kang mawawala sa akin. Please, ako ang piliin mo. Nagmamakaawa ako sa 'yo." Hindi ko na naituloy ang paghakbang ko
