“Hindi na, kaya ko na ‘to,” simpleng tugon ni Sabrina sa lalaki. “Naka-assign din akong maghugas ngayon kaya hayaan mo na akong tumulong.” “Pupuwede namang mamaya ka na lang, tapusin ko lang muna ‘to.” “Ganito na lang—habang nagsasabon ka, babanlawan ko na lang ‘yung mga natapos mo nang sabunan. Ayos lang ba?” Sa wakas nilingon niya ang makulit. Nakangiti ito. Tumango na nga lang siya. “Sige. Diyan ka sa kabilang sink.” Masayang tumangu-tango ito at inumpisahan na ngang banlawan ang mga kalderong natapos na niyang sabunin. “Manhater ka, ‘no?” biglang birong tanong nito. Bahagyang kinunutan nga niya ito ng noo nang tingnan. “Manhater? Hindi naman. Pa’no mo ba nasabi?” “Ikaw kasi, eh. Sa tuwing lumalapit ako sa ‘yo, iwas ka nang iwas.” Matagal niya itong tinitigan. Lumalapit ito s