AVERY
Kahit nangangalay ang mga paa ko sa pinagtataguan ko ay hindi ako umalis o gumawa ng kahit anong ingay man lang. Hinihintay kong bumalik si Miss Sylvia at gusto kong marinig kong ano ang sasabihin niya sa mataray at naiinip na babaeng naghihintay dito sa sala, kapag hindi nagising si Sir Xander dahil lango ito sa alak.
Makalipas ang mahigit sampung minuto, nakita kong lumabas sa elevator si Sir Xander at naglalakad palapit sa sala, kaya lalo lamang akong nagsumiksik sa pinagtataguan ko dahil ayaw kong makita niya ako.
Mukhang hindi maganda ang gising ni Sir Xander. Madilim ang mukha niya at matigas ang ekspresyon na naglalakad palapit sa receiving area, kung saan nakaupo at naghihintay sa kanya ang babaeng pakakasalan niya.
"Alexander, finally you're here!" Mabilis na tumayo si
