AVERY
Ilang minuto na ang lumipas matapos aminin sa akin ng asawa ko ang mga ginawa nilang dalawa ni George, pero tahimik na nakaupo lamang ako dito sa sofa, katabi si Alexander.
Hindi ko siya kinikibo at piniling huwag na munang mag-isip ng kung anu-ano, dahil nakaramdam ako ng matinding pananakit ng ulo at pagkahilo.
Stressful ang maghapon ko kahapon at magdamag na walang tulog. Emotionally, hindi rin maganda ang emosyon ko, dahil galit na galit ako dahil sa natuklasan kong katotohanang itinago sa akin ni Alexander.
Sumabay pa ang nangyaring panloloko ni Melissa at ng mga magulang niya sa kapatid ko. Talagang napuno na ako ng makita kong umuwing maraming pasa sa mukha at katawan si Arnel, dahil sinaktan siya at inakusahan ng panggagahasa sa babaeng iyon, gayong kung sinu-sino na an
