ALEXANDER
Pagkalabas pa lang ni Avery sa pintuan ay agad umigkas ang kamao ng tatay niya at tumama sa mukha ko. Segundo lang ang lumipas, pero hindi man lang hinintay ni General Matias na makalayo ang asawa ko at sinapak agad ako.
Kasa ng baril ang sumunod na narinig ko ng kunin ni Ruslan ang baril sa likuran niya at itutok sa ulo ni General Matias.
Napa-iling na lang ako, sabay himas sa kanang pisngi at pinahid ang dugo, mula sa nasugatang labi ko.
Bahagyang lumayo sa akin si General Matias at walang nababakas na takot sa mukha na hinarap niya si Ruslan.
“Ginamit mo na naman ang pagiging tuso mo, Kazimir. Hindi allowed ang magdala ng baril gaya n'yang hawak mo ngayon dito sa pulis station ko. Subukan mo lang na kalabitin ‘yan, pare-parehong sasabog ang mga ulo natin dito!” Naka-ngis
