JAMILLA
Lihim kong namura si Romeo dahil ginawan pa niya ako ng kwento. Puwede naman niyang sabihin na bahagi iyon ng trabaho namin, pero dahil confidential ito, ay hanggang doon lang ang puwede niyang sabihin.
Walang-hiya talaga ang pasaway na lalaking iyon. Napabuntonghininga na lang ako sa inis dahil nag-alala tuloy sa akin si Daddy dahil sa kaniya.
“You mean, you're okay with Drake?” tanong ni Daddy sa akin.
“I don't have a problem with him, Dad,” sagot ko agad.
Nangunot ang noo ng aking ama. Sandaling katahimikan ang namagitan sa aming dalawa habang nakatingin siya sa akin at tila ba nauwi sa malalim na pag-iisip.
“Is there something wrong, Dad?” tanong ko sa aking ama.
“Nothing,” mabilis niyang sagot. “Please rest properly para makalabas ka na dito.”
Marahan akong tumango ka
