CRISANTO
"Muntik ka nang mahuli roon, Dante! Mabuti na lang talaga at inaya kitang magtungo muna sa inyong bahay bago pumunta rito sa sabong dahil kung hindi? Paniguradong makukulong ka! Hindi ka pwedeng maging kontrabida dahil tatanga-tanga kang kumilos. Sinong mamamatay-tao ang pagkatapos gumawa ng kasalanan ay hahayaan na lang magi-iwan ng ebidensya sa pinangyarihan ng krimen? Bukod tangi ka!" panenermon ko kay Dante.
Muli ko na naman iniligtas si Dante mula sa kaniyang katapusan. Dapat siyang magpasalamat na narito ako sa kaniyang panig at magkaibigan kaming dalawa dahil kung hindin? Paniguradong nasa kangkungan na siya ngayon, hinihintay na mahuli siya ng mga pulis.
"Sa labis kong pagkataranta kanina, hindi ko na naisip pang mag-ayos at linisin ang mga nagkalat na gamit at dugo. Ma
