AQUILINA
Nasa burol kaming tatlo. Hindi mapigilan ni Mildred ang pananabik noong malaman niyang may ganito palang lugar malapit sa paaralan at mas lalo siyang nawindang noong sinabi ko sa kanya na tumatambay ako rito kapag nais kong mag-isa.
"Ang ganda! Ang hangin din! Bakit mo naman ito itinago sa akin, Aquilina?"
"Maupo ka na nga, pwede ba? Kanina ka pa hindi magkandaugaga sa kakasabi ng wow dyan. Ignorante ka ba? Ngayon ka lang nakakita ng palayan?" naiinis na tanong ni Basilio.
"Bakit ba ang sungit mo? Opo, hindi po kayo nagkamali. Ito po ang unang beses na nakakita ako ng palayan dahil ikinulong ako ni Don Crisanto nang matagal na panahon at ngayon lang po nakalaya," pilosopong tugon ni Mildred.
Akala ko hindi maniniwala si Basilio sapagkat halata namang kasinungalingan iyon ng
