EUFRECINA
Dumating na ang araw na kailangan kong malaman kung anong klaseng trabaho ang iaalok sa akin ni Don Crisanto. Kinakabahan man at hindi tinatantanan ng pagdadalawang-isip, mas nangingibabaw pa rin sa akin ang magandang buhay na ipinangako sa akin kapalit ng aking kaluluwa.
"Hintayin natin ang isa ko pang kasabwat sa planong ito. Kahit na wala siyang ambag, importante pa ring malaman niya dahil baka magaya dati na siya na nga ang nagplano, ako pa rin ang sumalo. Kahit tatanga-tanga siya araw-araw at sakit sa ulo, kailangan kong tiisin dahil sa yaman niya," wika nito.
Inalok niya akong uminom ng alak na paniguradong nagbuhat sa plantasyon na pagmamay-ari ni Don Dante. Dahil sila lang naman ay may malaking lupain ng ubas, sapat iyon para makagawa ng alak.
"Hindi ka umiinom?" hin
