Kabilugan ng buwan, tahimik ang kalangitan. Nagtago ang mga tala sa kumot na ulap sa labis na kahihiyan. Tinakpan ng malalakas na alulong ng aso ang ungol ng magandang may asawa, dahilan upang tawaging perpekto ang gabi para sa pagkakasala.
Maliwanag sa loob ng pribadong silid. Walang saplot ang mga katawan nina Donya Salume at ang tiktik nitong si Mercado. Walang mapagsidlan ang tuwang nadarama ng lalaki, gayong ngayong gabi ay makukuha na niya ang katas ng prutas na matagal na niyang inaasam-asam. Ang puso ni Donya Salume na nakalaan kay Don Felicio ay nabalot ng pagkasabik sa katawan ng ibang lalaki.
Dahil matagal nang hindi ginagawa ng mag-asawa ang kanilang tungkulin sa kama, isa itong himala para kay Donya Salume. Sino ba naman ang makakatanggi sa alok ng birheng lalaki ba mas bata
