Umuwing galit na galit si Donya Salume. Panay ang kaniyang sigaw, paulit-ulit na binibigkas ang pangalan ng ama ni Basilio. Hula ko, hindi naging matagumpay ang pakikipag-negosasyon niya na kunin ang anak ni Upring. Desperado ang Donya ngayon dahil naubos na ang trabahador na nagtatrabaho sa kaniyang tubuhan, lahat ay naglipatan na sa puder ni Don Crisanto. Hindi niya pinakinggan ang suhestyon ng kaniyang asawa na taasan na lamang nang kaunti ang sahod upang manatili sa kaniya ang iilan ngunit malaking pera ang kanilang ilalabas, na iniiwasan ni Donya Salume dahil nag-iimpok siya para sa pinakamahalagang piging na parating, ang kasal ni Senyorita Aquilina at Don Crisostomo.
"Badeth!" malakas nitong tawag. Halos maputol na ang aking paa sa kakatakbo simula bakuran patungo sa tapat ng silid
