NAGTAKA SI NOAH kung paano iyon nalaman ni Ethan.Hindi naman magbibintang ang anak kung wala itong nakita.
”Ethan, anak. Maari mo bang ikuwento kay, Papa?”
Tumango ito.Matapos hinila si Noah papunta sa silid ng ama.
“Anak, ikuwento mo sa akin. Ano’ng nangyari? Nakita mo ba?”
Tumango ito muli.”Kita ko. Papaalam si Mama. Sabi niya. Aalis siya. Sabi niya babalikan ako. Tapos. . .tapos ‘yong kamukha ni mama. Nilagyan piring si mama.”
“Kamukha ng mama mo?” nagtatakang tanong ni Noah.
“Oo, Papa. Kamukha ni Mama. Sabi niya pa. Mama ko rin siya. Pero sama-sama siya. ‘Di ko siya mama. Kulong niya ako banyo.”
“Ikinulong ka sa banyo?”
Tumango muli si Ethan.”Kuha niya pa Bloom.”
“Kinuha niya si Bloom? Anak, masama nagbibintang. Nasa kuwarto mo naman si Bloom.”
“Hindi iyon Bloom. Bigay ‘yon
