Hindi agad lumapit si Amaya sa kanyang mahal, taimtim muna siyang nanalangin para magpasalamat dahil sa wakas tiyak na ligtas na ito. Hinayaan muna niya ang mga magulang nito na masarili ang anak. Maging ang kaniyang Mommy ay halatang nasisiyahan dahil ligtas na ang kaniyang mahal.
Kung pwede nga lang sarilinin na niya ito, yakapin, halikan, at ipadama dito na sobra siyang nasisiyahan dahil ligtas na ito sa wakas. Ipadama dito kung gaano niya ito kamahal at kung gaano siya natakot kanina dahil akala talaga niya ay iiwan na sila nito.
"Mabuti gising ka na anak, akala namin mapapahamak ka na talaga. Sobrang takot ko anak, a-akala ko mawawala ka ng talaga. A-Akala namin iiwan mo na kami. Mabuti na lang at ginawa ni Amaya ang lahat para maibalik ka sa amin. Kumusta na pakiramdam mo anak ko
