Ilang sandali pa at inilipat na ng pribadong silid ang kanyang Ninong Amir sinabi ng doktor na normal lamang daw na hindi agad ito magising dahil sa anesthesia. Kanina bumalik ang pulso nito ay bahagya itong nagising at ang sabi pa ng doktor na isa daw iyong magandang indikasyon. Lalo na daw at nakilala agad siya nito.
Kaya naman sobra-sobra ang pasasalamat nila sa Poong Maykapal, sa ngayon ay nasa loob lamang sila ng pribadong silid at nakaupo sa sofa na malayo sa kinahihigaan ng kanyang Ninong Amir. Kahit na gustong-gusto niya na manatili lamang sa tabi nito, syempre baka magalit na naman ang kanyang Daddy kaya minabuti niya na siya na lamang ang umiiwas.
"Ngayon na tiyak na natin na ligtas na ang aking anak, hindi na rin kita idedemanda Julyo. Alam ko naman na kasalanan din talaga ng
