MAAGANG nagising si Zachary kinabukasan kahit late na siyang natulog kagabi dahil napakarami niyang iniisip.
Kalalabas lamang niya ng banyo at nakatapis ng tuwalya nang bigla siyang sugurin ng walis tambo ni Manang Mildred na kakagising lamang.
"Kulas! Kulas! May magnanakaw na makapasok!" Tili nito habang nakatingin sa kaniya at nakapukol ang dulo ng walis tambo sa kaniya.
"Ano ba iyon, Mildred? Kay aga-aga at sumisigaw ka?" tanong ni Manong Kulas na nag-iinat pa.
"May magnanakaw, pinasok tayo ng magnanakaw!"
Tumawa siya sa sinabi ng matanda. Hindi yata siya nito nakilala dahil shi-nave na niya ang kaniyang bigote at balbas. Nagmukha na ulit siyang tao at hindi na ermitanyo.
"Ano ka ba, e si Sir Damien iyan," ani Manong Kulas na kinuha ang hawak na walis tambo ng asawa.
Nilapitan si
