NASA opisina ng kaniyang bahay si Zachary. Nakaupo at pinapaikot ang office chair na kinauupuan niya habang nakapikit at nakasandal doon.
Nagsinungaling si Aryanda sa kaniya at sumama pa talaga ito sa kaniyang Kuya Guiller. Ano ba ang pinaplano ng mga ito sa kanya. May relasyon ba ang mga ito na hindi niya alam?
Habang natitig sa kisame ay may kumatok sa pinto. Bumaling ang mga mata niya roon nang bahagya itong bumukas.
Si Bernard, nakasilip ito roon.
"Anong kailangan mo?" tanong niyang nakatitig sa binatang security bodyguard niya.
"Sir, magpapaalam sana ako this weekend," anitong nagkakamot ng batok.
Dumiretso siya ng upo at itinukod ang dalawang siko sa lamesa habang nakatiklop ang mga palad.
"At saan ka pupunta, Bernard?"
"S-sa girlfriend ko, Sir. Nagtatampo na kasi, sir, dahil
