KAUSAP ni Aryanda si Arci habang umiiyak ito sa kaniyang tabi. Pinag-awayan na naman kasi nina Arci at kaniyang Kuya Bernard ang alagang pusa ni Arbie ang limang taong gulang niyang pamangkin na ka-edad ni Uno.
Gusto niyang matawa pero pinipigilan niya. Alam niya na maliban sa kaniyang asawa ay galit din sa pusa ang kaniyang kapatid.
"Hindi kaya buntis ka na ulit?" tanong niya sa kaibigan na namumutla.
Sumisinghot ito at saka tumango sa kaniya. "Nag-pregnancy test ako kahapon at nalaman ko na buntis nga ako. Naiinis ako sa kapatid mo kaya hindi ko na sinabi sa kaniya na buntis ako. Noong nakunan ka sa dapat pangalawang baby ninyo ni Zac, nakunan din ako. Ewan ko ba bakit palagi na lamang tayong nagsasabay na nanganganak. Wala pa bang kasunod si Zane?" natatawang sabi nito habang nagpapa
