JENNIE
Kanina pa paulit-ulit si Lyndon sa mga sinasabi niya, kaya hindi na ako nakatiis. Nakasimangot na sumagot ako at pinakita ko sa kanya na hindi na maganda ang mood ko ngayon.
“Alam kong hindi dapat gano'n ang ginawa ko, pero masisisi mo ba ako, kung pinagtanggol ko ang sarili ko sa mga bastos na lalaking iyon?”
Narinig kong nagpakawala ng isang malalim na buntong-hininga si Lyndon at pagkatapos ay hinawakan ang mga kamay ko.
“Hindi sa gano'n, love. Buntis ka, kaya mas dapat tayong maging maingat sa bawat ginagawa natin. Paano kung may nangyaring hindi maganda sa inyo ng ating anak?” tanong niya sa akin.
Tama siya, kaya hindi na ako sumagot at nakipagtalo pa.
“I'm sorry, nag-init ang ulo ko kanina,” hinging paumanhin ko, para hindi na humaba pa ang usapan at baka mauwi pa kami
