JENNIE
“Are you sure na kaya mo pang ituloy ang misyon mo, Lady J?” pormal na tanong ni Boss Alexander, bagay na ikinagulat ko.
Nag-angat ako ng mukha at napatingin rin sa kanya.
“Are you doubting me this time, boss?”
Seryoso ang ekspresyon ng mukha na nakatingin at nakatitig sa mga mata ko si Boss Alexander habang kaharap ko.
Gumalaw ang dulo ng kanang kilay niya, habang hindi inaalis ang mga mata sa mukha ko.
“You look different this time, Lady J. It seems that something is bothering you that makes you distracted and lose your focus.”
Ramdam ko, kung paano biglang kumabog ng malakas ang dibdib ko. Mukhang nagdududa na si Boss Alexander sa akin, kaya niya nasabi ito.
"I knew you quite well. I was observing every step of your progress during your training days, and I'm tracking e
