JENNIE
Kahit nakipagtalo ako kay Lyndon ay hindi talaga siya pumayag na umuwi akong mag-isa sa penthouse. Pinagtalunan pa namin kung aling sasakyan ang gamitin, dahil ayaw rin niyang ako ang driver at siya sa passenger seat.
Kahit anong mangyari kasi ay hinding-hindi ko talaga ibibigay sa kanya ang susi ng kotse ko, para ipag-drive niya ako, dahil marunong akong magmaneho.
Nauna akong nakarating dito sa tapat ng building, kung nasaan ang penthouse ko. Mabilis ang patakbo ko sa sasakyan ko kanina, pero daig pa ni Lyndon ang gustong makipag-karera sa akin, kaya hindi ko siya natakasan.
Kung sabagay, alam naman niya kung saan ako nakatira, kaya expected ko na masusundan niya ako.
Alam kong maayos naman ang loob ng penthouse ko, pero sinadya kong mauna dito sa loob, para tingnan mabuti
