JENNIE
Hating-gabi na, pero wala pa rin si Lyndon. Sinubukan kong tawagan ang cellphone niya, dahil hindi ako mapakali, pero nagri-ring lang ito at hindi niya sinasagot.
Ang sabi ni Lyndon kanina, bago siya umalis ay sa bahay raw ni Boss Alexander siya pupunta, kaya walang pagdadalawang-isip na tumawag ako sa boss ko, pero tinig ng isang babae ang sumagot.
Tinig pa lang ay sigurado na akong siya ang asawa ni Boss Alexander.
“Sino ka?” seryoso ang tinig na tanong ni Avery sa akin.
“Hi, madam, pwede ko po bang makausap si Boss Alexander?” pikit-matang tanong ko sa kanya.
“Who are you at bakit mo tinatawagan ng ganitong oras ang asawa ko?” may bahid selos sa tinig na tanong sa akin ng asawa ni Boss Alexander.
“Isa po ako sa mga tauhan ni Boss Alexander,” mabilis na sagot ko.
“Naliligo
