Malaya nang nagkuwenro si Hugo tungkol sa pamilya at kung sino talaga ito. Maging tuloy si mommy ay nagulat sa rebelasyon nito hinggil sa kung sino talaga siya. Sino naman ang mag-aakalang ang minata nilang isang pipitsuging reserved officer at bodyguard ay isa palang anak ng senator.
"Naku, hijo, pasensiya ka na sa mga nasabi ko noon. Nasabi ko lang naman ang mga 'yon dahil sa bugso ng damdamin ko," hingi ng paumanhin ni mommy nang malaman nito sa tunay na pagkakakilanlan ni Hugo.
"Okay lang po 'yon, tita, naiintidihan ko naman po kayo," magalang namang sagot ni Hugo.
"Mainam kung ganoon," tugon naman ni mommy rito. "Sabi nga pala ng doktor ay pwede ka nang ma-discharge mamaya," imporma nito na nakangiti. "Sinasabi ko na kasi sa 'yo anak na kumain ka, ayan tuloy nawawalan ka ng malay,
