OCEANE POV
“OCEANE, nandito na si Annie at iyong traysikel na maghahatid sa inyo sa terminal!”
Narinig ko ang malakas na boses ni Papa, ang mga gamit ko ay nasa labas naman na.
Tinignan ko ang tatlong kapatid ko. “Aalis na ako, ha? Kayo na bahala rito sa bahay natin. Tulungan ninyo sina Mama at Papa. Pangako kapag sumahod ka ako ng isang beses, magpapadala agad ako kay Aling Nanita, ha?” Nakangiting sabi ko sa kanilang tatlo.
Hindi na kasi sila kasama sa bus terminal, pamasahe lang din kasi.
Tumango silang tatlo sa akin. “Opo, ate Oceane, kami ng bahala sa paghuhugas, pagluluto at paglilinis dito. Si Mama naman ang bahala sa paglalaba,” sabi ni Nadine sa akin.
Mano—mano kasi ang paglalaba namin.
“Kapag kumita—kita ako nang malaki... Bibili ako ng washing machine na may dryer para h
