"KUMUSTA si mamá?" nag-aalalang tanong ni Melissa nang makabalik ito sa kuwarto habang may dalang isang basong tubig.
"Maayos na po siya, Tita Melissa. Kakagising lang po niya," tugon ni Isabella rito.
Kasalukuyang nakaupo si Isabella sa gilid ng matanda. Nang matumba ito kanina, dinala agad nila ito sa sarili nitong kuwarto. Ilang minuto lang nawala ang ulirat ng matanda at gumising na rin ito kaagad.
"That's good to know." Umupo si Melissa sa tabi niya habang nakatingin sa biyenan nitong nakamulat ang mga mata at tila yata'y tulala. "Ma, drink this water. I'm so sorry kung nagulat kita. Hindi ko inasahan na mangyayari ito sa iyo."
"You don't need to apologize, Melissa," tugon ng matanda kay Melissa at dahan-dahang umupo sa kinahihigaan.
Nagpresinta si Isabella na tulungan ang matand
