"B-BUNTIS ka?" hindi makapaniwalang tanong ni Manang Mel kay Isabella nang maikuwento niyang nagdadalang tao siya.
Kaagad tumango si Isabella. "O-Opo, Manang Mel. Buntis po ako pero hindi si Albert ang ama," tugon niya at yumuko pa dahil sa hiyang nararamdaman dito.
"Alam ba ni Sir. Albert na hindi siya ang ama ng dinadala mo? Kung gayon, sino ang ama niyan?"
Bumuntong-hininga si Isabella at tahimik na umupo sa sofa na nasa tabi lang niya. Nag-angat siya ng mukha kay Manang Mel bago ito sinagot. "Alam niya po, Manang Mel. A-Alam ni Albert na hindi siya ang ama nitong nasa sinapupunan ko. Pero handa po siyang panagutan ako."
"Bakit naman? Maaasahan mo ako, Isabella. Iyong lalaki bang nakabuntis sa iyo, inabanduna ka?"
Umiling siya. "Hindi po, Manang Mel. Hindi niya po ako inabanduna. I
