"KUMUSTA na, mama? Si Irvan, umiiyak po ba?"
"Anak, si Irvan, kinuha ni Travis!" humahangos na sagot ng mama niya sa kabilang linya.
Agad napatayo si Isabella sa kinauupuan dahil sa naging sagot ng mama niya sa kaniya. "Ho? Kinuha ni Travis si Irvan sa inyo? Paano nangyari iyon, mama?" hindi mapakaling sunod-sunod na tanong ni Isabella.
"Sabi niya, ilang minuto lang. Naniwala ako sa kaniya, anak. Sinabi niya pa na wala siyang balak na itakas si Irvan kaya nakapante kami ng papa mo. Pero mali pala kami, anak. Pasensya na, Isabella. Pasensya na kung nahayaan naming makuha ni Travis si Irvan..." At sa pagkakataong iyon, umiyak na ang mama niya.
Nasapo ni Isabella ang noo niya. "Ma, hindi po ito maaari. Wala ng karapatan si Travis kay Irvan dahil iniwan niya ako noon. Ma, hindi ba't may us
