LUMIPAS ang maraming araw, namalayan na lang ni Isabella na libing na ni Ivan. Mas lalong nadurog ang puso niya nang mapagtanto niyang ito na ang huling araw ni Ivan na mananatili sa bahay nila. Masakit para sa kaniya pero wala na siyang ibang magawa kundi umiyak habang ibinababa si Ivan sa libingan nito. Walang ibang ginawa si Isabella kundi ang humagulgol habang yakap-yakap siya ng kaniyang mama.
"Oh, Diyos ko, Ivan. Nawa'y huwag mo kaming kalimutan. Dalawin mo kami araw-araw. Mahal na mahal ka namin, anak. Patawad at kailangang humantong ito rito. Pero kahit anuman ang mangyari, mahal na mahal ka namin. Huwag mong kakalimutan iyan..." umiiyak na sambit ng mama niya.
Tanging hagulgol lang ang nagawa ni Isabella ng mga oras na iyon sapagkat pakiramdam niya'y nalunok niya ang kaniyang di
