"ALAM kong makasalanan iyong ginawa ko ngunit iyon lamang po ang naisip kong paraan upang makabawi sa ginawa niya kay Ma'am Melissa. Sa katunayan, gusto ko rin pong paslangin si Sir. Tadeo ngunit hindi po ako nakakakuha ng pagkakataon. Nagawa ko pong paslangin si Sean dahil gusto ko pong pagbayaran niya ang ginawa nilang dalawa ni Sir. Tadeo kay Ma'am Melissa. Wala pa po akong ideya na buhay pa po pala si Ma'am Melissa. Aminado po ako sa nagawa kong krimen at handa po akong tanggapin ang magiging parusa sa akin. Nadala lamang po ako ng matinding galit kaya hindi ko po nakontrol ang sarili kong pumaslang ng tao. Sila pong dalawa ang may dahilan kung bakit nasira ang pamilya nina Ma'am Melissa. Sila po dahilan kung bakit nangyayari ang lahat ng mga ito. At ngayon, binabasag ko na po ang mga
