Pamilya lang ang nakakaalam at ang doctor na sumuri sa akin na nagbalik na ang aking alaala. Mas minabuting ilihim muna iyon, habang inaasikaso ang inihahandang patong-patong na kaso laban kay John.
Kasalukuyan kaming nasa palengke ni Mama, dahil miss na raw n'yang gawin iyon. Sa Metro kasi ay may kasambahay na s'yang gumagawa no'n para sa kanila. Kaya ngayon ay magkasama kami, habang may mga bodyguard na nakabuntot sa amin, mga waring normal na mamimili lang naman ang mga ito.
Sa tuwing may nabibili si mama ay iniaabot n'ya sa mga ito. Tapos pagkatapos no'n ay parang hindi na naman nito kilala ang mga iyon.
Habang namimili si mama ng prutas, ay may biglang kumalabit sa akin. Agad akong napasinghap nang makilala ang ina ni John.
Noon pa man ay hindi na ito masaya na naging kaibigan
