Hindi alam ng pamilya namin na naka-schedule na si Claudette for C-section ngayong gabi. Nagpasya kami ni Clau na magpa-CS na lang, dahil dalawang bata ang kailangan n'yang ilabas. Iyon din ang advice ng doctor nito. Kaya naman nagtungo kami sa hospital na walang pamilyang pinagsabihan.
Normal or C-section, walang madali sa dalawang iyon. Kung pwede ko lang saluhin ang hirap na pinagdaraanan ng asawa ko'y handang-handa ako. Pero sadya talagang may mga bagay tayong nais gawin para sa mga mahal natin na hindi natin magawa, at tanging panalangin lang ang magagawa natin.
Hindi kami pumayag na muling magpa-gender reveal ang Mommy Tessa, dahil ayaw naming masira ang surprise namin sa kanilang lahat.
Tiyak na magfre-freak out ang mga ito kapag nalamang nanganak na si Claudette at inilihim n
