Naging napakasaya ang kasal nina Gail at Liam, hindi matatawaran ang kilig na naramdaman ng dalawa. Takip-silip na nang tuluyang umuwi ang huli nilang bisita at naiwan sila sa resort upang makapagpahinga pa bago bumalik sa Manila sa susunod na araw.
"Congratulations again mga apo, ngayon ay mapapanatag na akong hindi mo talaga papabayaan iyang si Liam ngayong asawa mo na siya," hirit ni Don Julio kay Gail.
"Lolo," saway naman agad ni Liam sa sinabi ng kanyang lolo.
"Don't worry, 'Lo dahil ayaw ko namang mabalo agad," natatawang turan ni Gail. "Mahirap na, baka hindi pa natitikman ang langit at tsugi agad," bulong ni Gail sa sarili.
"Honey, may sinasabi ka ba?" untag ni Liam sa kanyang tabi.
"Ha? Ah, wala, ah, sabi ko hinding-hindi kita pababayaan dahil mahal na mahal kita," aniya saba
