Tuluyang nawala ang lumbay ni Gail sa tulong ng asawa, tama naman kasi ito, wala silang magagawa kundi ang maghintay muli upang malaman ang resulta. Hindi lang naman kasi siya ang nalungkot sa nangyari, maging ito pero kahit papaano ay mas naiintindihan nito ang sitwasyon.
"Hindi ka ba, nadi-disappoint sa akin?" hindi niya mapigilang itanong sa asawa si Liam.
"Disappoint? Saan?" maang naman ni Liam habang hinihintay nila ang orders nilang pagkain.
"Sa nangyari, alam kong excited ka ring magkaanak pero heto, maghihintay ulit tayo ng isang week tapos wala pang kasiguraduhan. Baka gaya ng sabi mo ay mabugok pa," malungkot na turan sa asawa.
"Shhh! Don't say that," agad naman nitong sawata. "Of course malungkot pero kung magpapadaig tayo sa lungkot natin, walang mangyayari kaya mas mainam
