Kahit papaano ay naunawaan ni Liam ang reaksiyon ng kanyang lolo hinggil sa nangyari rito, ang hindi lamang siya sang-ayon ay ang hindi nito pagsasangguni sa kinauukulan hinggil sa tangkang pag-kidnap dito.
Ang sumunod na araw ay mas lalong naging mabigat pa kina Liam at Gail, bukod kasi sa paghihintay nila para mabuo ang isang linggong ibinigay ng kanilang doktor ay napapansin pa nila ang madalas na pagkabalisa ng kanilang Lolo Julio.
Maging ang relasyon nito kay Aling Minda ay tila naaapektuhan na dahilan upang ang matanda ay maging malungkutin din.
"Inay, nagmumukmok na naman kayo rito," hirit ni Dinky sa ina habang ang lahat ay nasa may pool side ng hapong iyon.
Isang mahabang buntonghininga ang binigay ng matanda kay Dinky.
"Ang haba noon, inay, ah," agad namang puna ni Dinky.
"
