Part 10: Banta ng Lagim
SUYON POV
"Apat na araw nang walang malay yung tao. Marahil ay sobrang hirap ng kanyang dinanas sa labanan base sa mga pinsala sa kanyang katawan. Ngunit ang ilang malalim na sugat ay agad ring naghilom makalipas ang dalawang gabi," ang paliwanag ng doktor ng palasyo na tumingin sa aming walang malay na panauhin.
"May nakita ka bang kakaiba sa kanyang katawan? Katulad ng masamang ugat o mga impeksyon na nakakahawa?" tanong ni Lucario.
"Wala po panginoon, masidhi ang aking ginawang pagsusuri sa katawan ng dayuhan. Wala akong nakitang anumang negatibong bagay na maaaring ikapahamak ng mga tao sa kanyang paligid," ang tugon ng doktor.
"Hindi ko alam na si Hariel ay nagtatago lamang sa katawan ng isang mortal. Ang dayuhan na iyan ay maraming katanungang sasagutin s
