PILIT binabalewala ni Angelica ang mga naramdaman niya at iginiit na epekto lang ng puyat at fatigue ang madalas niyang pagkahilo. Araw-araw pa rin siyang pumapasok kahit nag-aaway na silang mag-asawa. Sa tuwing umaga na lang kasi ay nahihilo siya, pero nawawala rin kalaunan.
Kararating lang niya sa presinto ay tumawag ang kaniyang ina. Sinagot niya ito sa ikalawang tawag pagdating sa kaniyang opisina.
“Yes, Mom?” masiglang sambit niya nang makaupo sa harap ng lamesa.
“Ano ‘yong sinasabi ni Wallace na sa tuwing umaga ka nagsusuka at nahihilo? Bakit pumasok ka pa rin sa trabaho, eh masama na ang pakiramdam mo?” bungad ng kaniyang ina. Pumalatak na ito ora mismo.
Napangiwi siya. Tinutoo nga ni Wallace ang sinabi na isusumbong siya nito sa mommy niya.
“Mom, I’m fine now. Nawala rin nama
