WALA pang balak umalis si Yoshin sa bahay ni Wallace kaya nilubos niya ang pagkakataong wala itong topak. Habang wala pa si Angelica, pinapunta niya roon sa bahay sina Alejandro at Chase para sa meeting.
Sa may cottage sa gilid ng swimming pool sila pumuwesto para mas madaling makita kung parating na ang kaniyang asawa. Alas singko pa lang naman ng hapon at kauuwi lang niya mula opisina. Naalarma na kasi siya sa sinabi ni Angelica tungkol sa sindikatong pumapatay ng mga bata. At kilala ang grupo na iyon.
“Modos ‘yon ng Great Payrenees Gang,” sabi ni Vladimir.
Nag-umpukan sila sa loob ng cottage habang nagmemeryenda ng dalawang kahong pizza pie na dala nila Alejandro.
“Hindi lang sila rito sa Pilipinas may operasyon, kundi sa buong Asian countries,” sabi naman ni Chase.
“Narito na rin
