NANGATAL ang mga kamay ni Angelica na may hawak sa baril. Hindi siya makakilos nang gupuin siya ng mabibigat na emosyon. Bigla na lamang umalab ang kaniyang mga mata at tuluyang nangilid ang kaniyang mga luha. She can’t deny what she had witnessed.
Ang daming katanungang nabuo sa kaniyang isip. Bakit naroon si Wallace? Kasama ba nito si Seon Wang? Naibaba niya ang baril nang maupos ang kaniyang lakas.
“Detective!” tawag ni Dave.
Ni hindi niya namalayan ang paglapit nito sa kaniya. Tulalang nakatitig lamang siya rito.
“I got a call from the anonymous sender. He gave me details about where to find Seon,” sabi nito.
Nang mahimasmasan ay sumunod siya kay Dave. Natagpuan nila ang kuwarto kung nasaan umano si Seon. May naiwang universal key sa itaas ng pinto kaya nabuksan nila ang pinto. N
