DUMATING ang parents ni Wallace mula US pero saglit lang ang mga ito sa party. Maaga ring umuwi ang parents ni Angelica dahil nagrereklamo ang daddy niya na nahihilo.
Sa may hardin ng bahay nila nagpahanda ng salo-salo si Wallace para sa paglaya nito. Dumalo ang mga kaibigan nito maliban kina Yoshin at Chase na nasa Italy. Kung meron mang higit na masaya sa gabing iyon ay si Angelica. Hindi matawaran ang tuwa niya nang makita ang kaniyang mag-ama na nagba-bonding. Halos hindi na mapalis ang ngiti sa labi ng mga ito.
Dahil hindi na kaya ng daddy niya magtabaho sa kumpanya, opisyal na nitong ibinigay sa kanilang mag-asawa ang rights ng lahat ng company nito. Kahit papano ay bumalik ang tiwala nito kay Wallace. Dumami na rin ang investors nila kasama na ang mga kaibigan ni Wallace. Natutuwa
