"Love at first sight kaagad? Malay mo, gentleman lang talaga siya sa lahat saka hindi lang ikaw ang babaeng sinukob niya sa payong na dala niya!" birong turan nga ni Vien sabay malutong na humalakhak.
Pinandilatan nga siya ng kaibigan. "Ah, gano'n? Alam mo, Vien, kontrabida ka din pala talaga minsan, ano!"
"Oo nga naman, Vien! Imbes na suportahan si Joyce sa bagong lovelife niya, nabi-bitter ka pa yata!" tatawa-tawang sunod din ni Sheryll.
Muli ay makulit na hinalakhakan niya ang mga kaibigan. "Sa susunod na ako maniniwalang new-found lovelife mo talaga siya kapag niligawan ka na talaga niya! Kasi malay mo naman, may gf pala siya, 'di ba? Edi, na-hopia ka pa!"
Joyce pouted at her. "Huwag ka namang magsalita ng ganyan! Please lang! Huwag mong i-wish na taken na siya kasi gusto ko akin l
