Adelina’s Point of View
Bumaba na kami ni Sir Amadeo, at pansin na pansin ko ang mga tingin ng mga nakamaskara sa akin. Siguro’y inggit na inggit sila dahil hindi sila ang nakakuha sa akin. Sa ganda ko ba namang ‘to, ‘di ba? Hanggang tingin na lang sila.
“Sir, saan po tayo pupunta?” tanong ko sa nakasimangot kong boss. “Sa kwarto mo na ba agad?”
Hindi siya sumagot. Nagpatuloy lang siya sa paglalakad at sumunod lang ako sa kanya hanggang sa tumigil kami sa may bandang likuran kung saan siya nakaupo kanina. Doon ay may nakita akong lalaking nakamaskara din at nakangisi sa akin. Napatitig ako rito. Pamilyar ito sa akin.
“You’ve done it!” sambit nito saka tumawa nang malakas, at doon ko lang ito nakilala—si Boss Maximo. “You really gave him a headache, Adelina!” saad nito at tinapik-tapi
