Thirty-Two
Hindi ako kinakausap ni Jas. Ikatlong araw namin dito sa Isla. Maayos na s'ya at nakakalakad na pero may iniinda pa rin itong sakit. Sumusubok akong lumapit dito para makausap ito pero palaging malalim ang iniisip nito.
"J-as!"
"Katahimikan! Iyon ang kailangan ko ngayon."
"Gusto lang sana kitang makausap." Malungkot ang boses na ginagap ko ang kamay nitong nakapatong sa hita nito. Hindi naman n'ya iyon binawi kaya mahigpit kong ginagap at pinatakan ng halik.
"Alam mo, nanaginip ako kagabi. Sa totoo lang, dati ko na iyong napapanaginipan pero kagabi lang ulit naulit. Isang batang kamukha ko, naglalaro sa isang magandang garden---kalaro ang apat na lalaki na magkakamukha. Mas matatanda sila sa babaeng iyon, naguguluhan nga ako kasi kamukhang-kamukha ko talaga s'ya. Pero ne
