Ang Lihim ni Seth
AiTenshi
Aug 26, 2021
Part 24: Ang Pagbabasa ng Bituin
"Lolo Pansio, tunay na nakakahanga po ang inyong kaalaman, tama nga ang sabi ni Seth na ikaw ang pinakamahusay at pinakamatalino sa inyong lahi," ang papuri ko sa matanda.
Natawa ito, "hijo, daang taon na ako dito sa mundo, naghihintay na lamang ako ng aking kamatayan. Tunay nga na ang karanasan ang pinaka mahusay na guro sa lahat," ang wika ng matanda.
"Pero bukod sa kalaaman ay marunong rin si Lolo Pansio na magbasa ng bituin," ang pagmamalaki ni Seth.
"Pagbabasa ng bituin? Ang ibig sabihin nito ay panghuhula? Tama ba?" tanong ko naman na may halong pagkamangha.
"Tama iyon Ybes, ngunit mga hijo ang pagbabasa ng bituin ay hindi ko na ginagawa dahil nakasisira ito sa konsentrasyon ng aking mga hinuhulaan. Ang
