Nauwi sa pagkakunot ang noo ni Esha nang lumabas siya sa banyo. Natagpuan kasi niya ang asawang si Bryle na nakatulala lang habang nakatanaw sa labas ng bintana. Tila ba malalim ang iniisip nito dahil sunod-sunod ang malalakas na pagbubuga nito ng kanyang hininga. Nagpaalam lang sandali si Esha dahil tinatawag siya ng kalikasan ngunit paglabas niya sa banyo ay iyon na ang sumalubong sa kanya. Hindi gano'n ang kanyang asawa. Ito ang unang beses na nakita nito si Bryle sa gano'n na senaryo. And she's f*****g worried sick.
Magmula kanina, pagkatapos nitong umalis sa harapan ng kanyang laptop ay naging tipid na ang mga salitang binibitawan ni Bryle. Madalas ay tango lang ang nakukuhang sagot ni Esha mula sa asawa. At sa tuwing tinatanong naman niya kung okay ba ito ay tipid na ngingiti laman
