WULFRIC
“Wulf? Ano at napauwi ka ng maaga? Masama ba ang pakiramdam mo?” tarantang tanong ni Roselle sa akin nang makita ako.
Kaagad siyang tumigil sa pagkain at nilapitan ako. Si Kian ay kasalukuyang naglalaro sa sahig ng mga laruan niya. At nang mapatingin ako kay Erik ay tumango s’ya sa akin.
“Okay lang ako. Naisip ko lang na rito magtanghalian para sabay tayo.” Hinarap ko si Erik. “Pare, napadalaw ka. Ano’ng atin?”
“Napadaan lang, pare.”
Nakipagkamay pa s’ya sa akin saka naupo. Ibinigay niya sa akin ang upuan saka hinila ang bangko sa gilid at doon naupo. Pangdalawahan lang ang mesa kaya medyo masikip. Bumalik si Roselle sa pwesto niya at ipinagpatuloy ang pagkain. Napapagitnaan namin s’ya ni Erik.
“May kakilala ka rito?”
“Malapit dito ‘yong nirerentahan nina Sonia kaya naisip
