NEW YORK | Almost two days after the shooting incident
NASA LANGIT NA ba ako? Bakit parang amoy alcohol? Ang sakit pa ng likod ko. Actually, masakit lahat ng parte ng katawan ko at medyo ngimay. Nang magmulat ako ay puro puti ang aking nakita. Puti ang dingding, puti ang kisame, pati sahig na marmol ay puti. Kahit ang dresser at silya, couch, mesa. Isama ko na rin sa listahan ang kama at latag. Ang tanging hindi puti ay ang suot kong wala sa fashion. Oh gosh, dapat siguro ay hindi lang mga bahay ang iguhit ko kundi ilang damit na rin at uumpisahan ko sa hospital gown.
Puro may sakit na nga ang pasyente sa hospital tapos depressing pa ang mga suot nila? Kaya nga natutuwa ako sa mga hospital staff na printed ng mga masasayang kulay at character ang scrubs na isinusuot. Unfortunately, sa l
