NAPADAING si Dana nang tumama ang noo niya sa pader. Mali yata ang talon niya. Nag-akyat bahay lang naman siya sa bahay ng alkalde.
Hindi siya makapasok sa silid ni Mayor dahil mukhang naka-double lock sa loob. Good job doon si Eric. Knowing Dhalia na basta na lang pumapasok ng silid. Kakarating lang din daw nito sabi ni Grecco pero hindi ito pinuntahan ng alkalde dahil sa sobrang busy sa opisina.
Napaayos siya nang tayo kapagkuwan. Pinagpag niya rin ang kamay dahil sa alikabok at medyo malupang sahig. Nasagi niya kasi ang isang flowerpot na muntik nang ikahulog nito. Although nasalo naman niya, may mga natapong lupa pa rin.
Tinanggal niya ang tali na ginamit niya para makaakyat. Pasado alas-singko na noon ng umaga pero madilim pa rin. Buti na lang. Dahil kung hindi baka makita siya ng
