WALA sa mood si Ashley habang kinukuhaan ng litrato ang mga modelong lalaki na rumarampa suot ang mga ini-endorsiyong mga damit. May bagong malaking fashion company naman ang nangangailangan ng serbisyo nila. Gusto ni Chesca na pagtuunan nila iyon ng pansin. Sunod-sunod din ang pasok ng blessing. Karamihan sa mga talents nila ay sumasabak na rin sa pag-arte.
Hindi siya komportable sa resulta ng mga litrato kaya paulit-ulit niyang pinaparampa ang mga modelo. Dumating si Chesca sa studio at nanonood. Nang matapos ang unang batch ng mga modelo ay pinagpahinga muna niya ang mga ito. Walang buhay siyang umupo sa couch at binitawan ang kanyang camera.
Umupo naman sa kaharap niyang couch si Chesca. "What's wrong, best? You look exhausted," nag-aalalang tanong nito.
Nag-angat siya ng mukha rito
